GIKUYU 264 - 240

  1.  Uthamaki wa Ngai ndwamukagira ihaki  Niwe mwene indo ciothe angikihakwo na ki?    Tigai kuhenania mukiuga mwina Roho  Roho ndahakikaga no inyui ni muhakagwo    2.  Niwe wombire mburi na ng’ombe agicihe andu  Na akiumba thi akiiyuria nyamu mithemba yothe    3.  Ngai etire anabii marathire andu uhoro  Na matiamukiire ihaki tondu maari na Roho    4.  Mwathani niageririo ni Caitani na unene  Na ndamukire ihaki ria mwago wa guku thi    5.  Atumwo a Jesu riria maari Roho wa ma  Mathinjirwo me muoyo ni thu cia ritwa riri.

 1.  Tiga utonga wa guku thi ihinda rii hakuhi  Utonga na miago ya thi ino na ikeno ni igathira    2.  Magongona maria mendetwo ni ithe wanyu wi iguru  Ni mandungata iria theru ciiririirie kuinuka    3.  Rugendo rwina hinya thi na mathina ni maingi  Tondu Caitani nioi ihinda ri hakuhi     4.  Riu Caitani amenyete tiitheru kwina njamba  Iria ciiruite wega iruire mioyo yao    5.  Akehita e guku thi na marakara maingi  Agatonya ngoro cia atheru nikio mbara ni nene     6.  Ngarari na njira nyingi ni Shaitani urehete  Irutanwo nyumba-ini ya Ngai ngoro cia andu aingi  Ithukio    7.  Mwendi muoyo wa Mwathani riu ni arahuke  Etigire ndundu cia urimu na ngarari cia tuhu.

 1.  Uhonokio ni uhoro wa ma  Wa thi yothe na kundu guothe  Kiambiriria kiaguo ni kiama  Na muutongoria ni wa ma     2.  Uria ukwenda gutuika wa ma  Kuri Ngai na kuri Jesu  Etherie thaa itanakinya   Maiguane na Ngai na Roho    3.  Uria ui ngoka ta mui-ici  Etherie athikire Roho  Ni ndumite mugambo wakwa  Mwitherie muiguane na Roho     4.  Uria uremete kuigua Roho  Ndaiguaga ona ndathikaga  Thomai watho wa aremi  Na mukire mutikamorie    5.  Thomai watho Wa aremi othe  Rurimi na maitho na matu   Na muririkane muthenya  Wa Jesu no ta uria wa Loti    6.  Gitumi gia kwaria ciugo icio  Ni undu wa ngoro iria inyititwo   Ni miago na mawega maingi  Ota uria gwatariii Sodomu.

  1.  Jesu onirwo ni ngoma  Ikiinaina ikimuria woka gutunyarira  Wee mutheru wa Ngai    Witikio utumaga  Mundu amenyagirire mithiire yake yothe  Ngai wake akagocwo    2.  Aria othe mena Roho  Thi yothe mena ugwati  Tondu Jesu aturire na maithori guku thi     3.  Jehovah ni agwathite  Roho uri aguitiriirie  Utheragire andu othe naguo ndugathuranie     4.  Riua riria riaratha  Ritheragira andu othe  Nayo mbura igunaga kindu giothe ki muoyo     5.  Mundu arikia gwitikia  Ekaga andu othe wega  Erigiriire nama Ngai ni akamuriha    6.  Woiga ni witikitie  Na wike ciiko njuru cia gucambithia Ngai  Wee uhana Caitani    7.  Caitani ni amenyaga Jehovah ni ari hinya  No amenya  Akaremwo ni gwika ciiko njega.

 1.  Ngai niwe wanyonire riria ndorite  Agithambia na thakame ya Gaturume    Mwathani wakwa unjoe nduire ndiraga  Ni mathina ma guku thi na magerio     2.  Shaitani egutaha utonga wanyu wa ngoro  Amurute he Mwathani umiririai     3.  Buthi waku ni ukinyite ngoro-ini yakwa  Na uthingu na uhonokio na witikio    4.  Rutai wira Muthenya gutanatuka  Wira wa Ngai ni muingi umwetereire     5.  Ona ingikorwo ndi kionje ndiri na hinya  Heete Jesu ngoro yakwa ndina gikeno      6.  Mwathani akiruta nguo ciake cia iguru  Na akiyoha gitambaya giake njohero    7.  Arikia guthambia arutwo nyariri  Petro akirega akiuga aca Mwathani    8.  Mwathani akira Petro warega uthambio  Tutiri na ngwataniro nawe ona ri     9.  Petro akiira Mwathani ni wega thambia  Thambia mutwe ona moko ona nyariri     10. ...

 1.  Muthenya uria ndetikirie uhoro wa ma  Nderirwo ngahea muoyo utagathira  Wee ni uui? - Njui nama oma  Wee ni uui? - Njui nama oma  Uui atia? - Ngakua ndiuke heo muoyo  Utagathira     2.  Ngoro-ini ndingiguoyoha ndingimaka  Ona thu inginjukirira kiraro-ini    3.  Uhoro wa ma ni utheri wina hinya  Ni uhotaga ngoro iria iri uthu na uthingu    4.  Mbeu ni igiri ya Roho na ya mwiri  Na mbeu imenyagwo iria yo yeka ciiko    5.  Meciria ma muoyo waku menyerera  Matikanagirie uhoe wiiguite    6.  Gikeno gia gutungata ndiiguite  Ngakena ndatoria mbaara ino ya mwiri     7.  Mwiri waku wa gutoria menyerera   Ndukamukira gikeno no kiriro.

 1.  Judasi niarumirwo ni Daudi na Roho  Na nyumba yake yothe na ciana    2.  Ritwa riake rierirwo ririganire biu  Ritikanetwo mundu ona ri    3.  Mehia maria ehirie merirwo  Megutuura mandikitwo ibuku ria ciira    4.  Eririire kirumi nakio gikimunyita  Gigitonya nda yake ta maai    5.  Kirumi giatonyire mahindi ma Judasi  Ta ri maguta anyuite na kanua    6.  Mwiri wake ehumbire irumi  Ikimuiyura ta mikiha iiyuire thakame    7.  Roho oigire Judasi  Kirumi gituikage mucibi ehotorage njohero    8.  Ngoro-ini yake thi-ini Kirumi giikarage  Ta ri kio hinya wake na uugi    9.  Icio nicio irathimo Jehova arathimiire  Aria macuukaga andu athingu.

 1.  Andu a nduriri ciothe na mihiriga yothe  Mutigatirike Ngai ni undu wa miago ya thi.  Roho akiandika maritwa manyu ma karihurwo.    Mutigacoke na thutha  Maritwa manyu mathario    2.  Ta mutumia wa Loti waronire na thutha  Kirathimo kiria eriirwo gikiaga o hindi iyo  Mutigacoke na thutha maritwa manyu mathario    3.  Atumwo ikumi na eri matumirwo ni Musa  Ikumi makiigua guoya magicoka na thutha  Maithe matigwo weru-ini nao magicoka okuo    4.  Andu mirongo mugwanja merirwo ni Mwathani  Mukaria Nyama cia mwiri magicoka na thutha  Tondu wa kwaga gwiciria makiaga kuhonokio     5.  Mwanake waari gitonga erirwo ni Mwathani  Endie indo ciothe aari nacio agaire athini  Tondu wa kwaga gwiciria akiaga kirathimo    6.  Na inyui mwacoka na thutha ni undu wa miago ya thi  Mukagairwo mutino tondu Jesu ena ruo  Na Roho atuire amwethaga na ...

 1.  Ngai athambirie Ibrahimu niguo Jakubu ohe kiremba  Kia uhonokio gia uthingu wake  Ndakanacoke kwenjwo njuiri itari gitumi  Muoyo wa Jesu uigiirwo andu aria  Me ngoro iria ciohanagira    2.  Adamu ohora mwihitwa wa ma  Erirwo athamamire weru-ini  Meciria make matuika moru  Ni arigithathire waganu    3.  Kiremba kiria Shaitani ohirwo  Ni minyororo akihingirwo  Riria ohorirwo akienjithia andu othe  Mecirie mao mahitane    4.  Uiru ni ukahia tondu nduri tha  Na nduohanagira mahitia  Naguo wendani wakirwo nyumba  Naguo uthamki utonye thi-ini     5.  Meciria moru nimo kiremba  Kiria Shaitani ohaga andu ake  Na niruo ruria rwa kugegania  Caitani akoiga tiwa ndigwa    6.  Mundu utari tha na ndari Roho  Niwe wa nyumba ya Judasi  Nacio irathimo cianyu cia uthingu  Itigakuo ni Judasi.

 1.  Jehovah ni akahingura hema iria ya uira  Hekaru ikaiyura ndogo nyumite ukengi-ini  Maagathaithana makiugaga  Inyui irima tuguirei  Ona ihumbu tuhumbirei  Tutikone uthiu wake    2.  Uria utagakorwo na ruri rwa Jehovah thithi  Ucio akanyua ndibei ya marakara make    3.  Gwi kirindi kiingi muno kiumite thi yothe  Mehumbite nguo njeru na makindu moke    4.  Nao aria athogori a indo me ngari-ini riu  Makoigaga uui-iiya ituura riria inene    5.  Magacaragia njira ya gikuu na matikona onari  Makeriragiria gikuu na matigakua onari    6.  Nao aria makariukira iriukiro ria gikuu  Magatuura maconokete ni umaramari wao    7.  Kuu kungi nja itura ni gwa guikara arogi  Na itharia na oragani na ahoi mihianano.

  1.  Hingurai ngoro cianyu matu ciigue imenye  Njira ya guthii matu-ini mukone gikeno    2.  Tondu nikuo ngoro cianyu ciirigagirira  Miago na moriru maingi cia aria akiririria     3.  Jesu erire Ithe matu-ini ni ndaikuruka thi  Ngahonokie aria matuire manyaririkaga     4.  Jesu aikuruka guku thi ni ageririo muno  Na magerio ma guku thi na ndahotekire     5.  Ni athurirwo na akirumwo na agithekererwo  Ningi akinyururio muno endaga ugoci wa Ithe     6.  Ni Athiiriirwo ni Judasi na uugi muingi ma  Kuri athinjiri Ngai ni guo mamurage     7.  Oragwo niguo ahotire kuona njira njega  Ya gucoka uthamaki-ini wa Ithe uria aatigite    8.  Ni ehitire akiuga na ma nginya thi igathira  Gutiri Mundu ugacoka; kwambata na mwiri     9.  No muhaka gutonyagwo na ruo runene   Gikuu ni kio njira njega ya ria akiririria.

 1.  Ngai mwene hinya na uhoreri  Ni atuheire Mwana wake  Oke niguo atutware iguru  Tukaheo muoyo uria wa tene  Thi igakunjwo na iguru rithuthike  Muriithi niguo agaikuruka  Oke niguo atutware iguru  Tukaheo Muoyo uria wa tene    2.  Aria othe marikitie kwambata  Ni makenaga o muno muno  Tondu Jesu ni amaheire nguo iyo  Igukenga o muno ta riua    3.  Riria tugakinya bururi ucio  Maithori maitu ni magathira  Maria mothe twariraga twi thi-ino  Tondu tutikona Jehanum.

  1.  Arata a Jesu ukai tuine na tuine na gikeno  Tuinire Jesu Mwathanj witu  Ni akuire ni undu witu  Inirai Jesu, Inirai Jesu  Inyui arata ake mwi thi     2.  Gikeno giakwa hindi iria nguina ndamenya ni anjuui  Na ritwa riakwa ni riandikitwo  Ibuku-ini ria muoyo     3.  Ni tukamuona Mwathani Jesu oka na unene wa Ithe  Ona ningi oke ena matuiro  Ma cura wa kihoto     4.  Ni mehia makwa na mehia maku  Matumire Jesu akue  Na riria agoka agathii na andu aria matuitwo ciana cia Ngai     5.  Jesu ni njira ningi ni muoyo na nowe uhoro wa ma  Ira na umuthi ona nginya tene  Wee ndagarurukaga     6.  Menyai umuthi inyui mwititwo Mutungatire Jesu  Toro wa Ithayo no ukonanio  Muthenya ucio wa ituiro     7.  Akorwo ni ukwenda guthii muoyo-ini  Uhaice meri ya Roho na utige araata  Ona mwiri waku tondu icio ni thu ciaku ...

 1.  Ngai na Jesu na Roho mageta nduriri ciothe  Na mete Araika othe,marurungane ciira-ini    Hingurai matu muthikiririe  Muthenya wa kumakia andu  Uria Jesu agatua ciira  Aikariire uhoro wa ma  Taari giti gia uthamaki     2.  Ituiro ria atongoria othe ria gutonya gikeno-ini  Ni rigakorwo ri inene na ria ruo-ini no inene     3.  Kieha kinene kia andu aria marutanaga maundu  Tondu Jesu ni akoragia o mundu urutani wake    4.  Atumwo aria mahunjagia ni magacokaniririo  Othe monanie uhoro uria mahunjagiria andu    5.  Gukonganio abatithania moime nduriri-ini ciothe  Monanie na ma gitumi kia uria mabatithagia andu     6.  Hindi io athinjiri othe o na ciiruru cia Jesu  Magetwo monanie othe o mundu igongona riake     7.  Roho ni ageta Anabii na andu aria othe marathaga  O mundu aheane uira wa urathi uria arathire     8. ...

 1.  Aria mendete mwathani na wendo utathiraga  Murogia na uhoreri na wega wa Mwathani    2.  Ni ndimuonete Mwathani ndiri na mathangania  Ndi muonete ngamumenya ngumakio ngoro ni ki    3.  Kimuri ga utheri wake ni kindonyete ngoro  Ngehita mwihitwa ngoiga ngakua ndi waku Ngai     4.   Wendo munene wa ngoro njiyuritio ni Roho  Na nii ngoiga ni kaba ngue handu ha ndige Ngai.

 1.  Mukurathimwo ni Roho, ekuga muroheo uugi  Ni getha maroho manyu maikarage meiguite  Hitho ya Ngai iri ho motungata magaacire  Mbaara ya thi ikinye muthia  Atheru tukahuruke     2.  Ritwa riria ni inene ria gwitwo ciana cia Ngai  Mundu utari na muteithia ndahiuhaga gukurana  Roho egucaya ni atheru aria wee onagia njira  Matigaikare ta me toro  Uria ukometwo ni thi ino    3.  Mumenyerere wega igai riria muhetwo ni Ngai  Ucio nioi wira wake wa kurathima aria atheru  Gatagati-ini ga gikeno kiria atheru makena  Niho hoimaga ukurani uria Roho aheanaga    4.  Riria Mwatuirwo matawa ma kumurikagira thi  Niguo mwatuirwo athamaki akumithamakagira  Ndungata ici mumenyage utungata uri na mwene  Uria umenyaga, utithitie  Nowe umenyaga wihandite     5.  Winyihiei guoko-ini gwake o kuria kuri na hinya  Gutiri gikeno kingi tiga hari ucio mwene thayu ...

  1.  Musa mutongoria mutheru mwihokeku  We nierire ciana cia Israeli  Jehova ni akarahura munabii  Mutheru kuri nii arathimane    Ni akiritie araika hinya na uhoti  Jesu Muhonokania wa thi yothe  O na araika othe ni mamugocaga    2.  Ahonokania ni eri Musa na Jesu  Musa aakuurire andu kwa Firauni  Nake Jesu agikura andu gwa Shaitani  Meciragie wega hinya wa Ngai    3.  Andu me weru-ini marutiirwo maai Ihiga-ini  Manyue mahote guthii rugendo  Matonye bururi wa iria na uuki  Uria Iburahimu eriirwo     4.  Weru-ini wa keri ni ciiga-ini ciaku  Tondu nikuo mathina maikaraga  Na ni kuo meciria mooru maikaraga  Witikio wanyiha no kuhunduka     5.  Mathina ma rugendo-ini magutunga  Nyota na ng’aragu na ndeto njuru  Turia maru uhoe Ngai akumiririe  Ukinye muoyo-ini ngoma aconoke    6.  Ihiga ria gukuhe maai njira-ini ...

  1.  Ukai inyuothe muke tucire ciira wa mehia  Me ngoro ciitu maria twaneka tuhonokio  Harurukai mume mehia-ini  Ta uria Zakayo aharurukire  Erwo ni Jesu haruruka    2.   Caitani nake ni amenyaga ati ni urenda kuhonoka  Nacio ciigwatio akarehe ciothe ngoroini yaku niguo agiriririe    3.  Adamu nake riria aingatirwo, Nake Shaitani no gutheka  Onawe noguo uthekagirirwo riria ciigwatio ciaiganira    4.  Riria Mwathani athondekete, Andu othe merwo mahonoke  Nake Shaitani athondekete andu othe merwo mahitithio    5.  Hindi iria Jesu okire guku thi, Niwe wokire na macabi  Namo macabi maria arehire gutiri mangi ni uhonokio     6.  Kana ni ukwenda kana ndukwenda uhonokio uyu ndugathira  Jesu ni oigire uhunjio guothe, Nginya andu othe a thi mahonokio     7.   Arata akwa tiganiriai ciigwatio ciake muhonokio  Tondu Shaitani athondekete cii...

 1.  Ngaringa muriithi mutwe  Ng’ondu ihurunjuke  Na inyui mwimenyererei mutikahurunjwo    Kuigua ni mukaigua ndeto  Na mutikaimenya    2.  Jesu murumirirei na ciiko cia uthingu  Mwaga kumurumirira, mutikona muoyo    3.  Ni matuku mirongo ina muthenya na utuku  Akiira Shaitani ndiga  Nduhota kuhota     4.  Tuthomaga Mathayo ina tukaigua atiriri.  Mwathani Jesu ageririo  Na ndahotekire     5.  Ihiga riria ria koine aaki maregire   Aaki magacaria ringi  Na matikariona      6.  Kiama kia Jesu kia mbere ni kihikanio-ini  Maai mari na ndigithu   Akimatua ndibei.

  1.  Jesu ni ngwendete wi kindu giakwa  Uhoro wa mehia ni waniniire.  Muhonokia wakwa ukihonokia     Na riu ni ngukwenda gukira mbere  Jesu wi mwendani Ngai  Gutiri mwendani gukira uyu    2.  Ni wathecereirwo muti iguru  Thakame igiitika matihio-ini  Ngubia ya miigua ni wekirirwo    3.  Ngoro iiyuirwo ni wendani muingi  Tondu ni wambire kunyenda mbere  Ugiitwo thakame ni undu wa kwenda    4.  Ingitura muoyo ona kana ngue  No ndiri kwendaga na ndigatiga  Gikuu gigathira tutigwo nawe     5.  Tukaria na Jesu twakinya iguru  Na gikeno kiingi gitagathira  Ngarutirwo thumbi njikirwo mutwe     6.  Ninguona na maitho ma ngoro  Mucii mutheru ohamwe na thumbi yakwa  Ina riri muingi na ukengi muingi.

  1.  Bendera nirungii mbere ya aria atheru,  Ya uthamaki wa wihande,  Njamba niyo ikumenyeka.     2.  Mahinda wimuhe makumenya wega,  Hindi ni nginyu getha egocithie,  Na itingia cia ugi wa thi.     3.  Igongona ria Ngai ni ngoro iria thuthiku,  Mitugo yanyu yothe ndiri na igai,   Mwimenyererei ngoma ni ucio okite.     4.  Menyererai igongona ria Ngai,  Akenagira mumuathikiri,  Mwathikirei amuringie ruui.    5.  Mahinda no meri ria guciarwo thi-ino  Mwetereire kirikaniro,  Gia kuona mutuhonokia     6.  Agitwirira kirikaniro,  Kia muoyo we ndaconoranaga,  Niatuheire Roho muteithia.     7.  Tukenagirei mutuhonokia,  Uria watutharire agituruta,  Giko-ini kiingi gia thi-ino     8.  Githi atheru ni iruga twetiirwo,  Turiage na tukanyua,  Ici cia Roho uyu Mutwendi.     9.  Uyu mut...

  1.  Njerekeire o matu-ini  Hingo ciothe no iguru  Hingo ciothe no matu-ini  Ngira Mwathi andware iguru  Mwathi njoya undongorie  Na witikio wa matu-ini  Kundu kwega gwi gikeno  Mwathi njoya undongorie    2.  Nii ndiendaga gutwarana  Na mathangania na iguoya  Akorwo inyui ni mwendaga  Nii nyendaga o matu-ini.    3.  Ndiriragiria matu-ini   Nguthii nginya ngakinya kuo   Rwimbo rwakwa muiguage  Ngira Mwathi andware iguru     4.  Ndakinya kuo ngakenaga  Ngihuruka kuu matu-ini  Tondu iguru kwina utheru  Wina aria matuuraga kuo    5.  Mwathi njoya undongorie  Ndingithii utandongoretie  Ndiriragiria matu-ini   Mwathi njoya undongorie.

 1.  Mwimenyererei inyui mwamuritwo  Mutikae kwigerera Jesu  Ndakae kumute amure angi  Jesu ni mwega ari tha  Ni oyaga andu aria oru akamatua ega     2.  Zakayo ari mutunyani wa indo  Muthenya uria Jesu athire gwake  Eririra Jesu akimuohera  Ucio riu ni mutheru  Mehia maria ma mbere agithamio     3.  Mutheru Mariam kiambiriria  Ari mutumia wa maraya  Eririra Jesu akimuohera  Ucio riu ni mutheru .  Mehia maria ma mbere ugithambio     4.  Riria Jesu ambirwo muti iguru  Muici uria wambirwo mwena wa urio  Eririra Jesu akimuohera  Ucio riu ni mutheru  Mehia maria ma mbere agithambio    5.  Kuri mehia matari kihonia  Ta maria mehirio ni Judasi  Macio metagwo ma ruturiko  Nionirio ciama cia Jesu  Na Jesu akirutana niagiuire     6.  Uugi wi mutino wamerire  Thi-ini wa meciria ma Judasi  Agitarania uri a...

 1.  Ndiriikaraga thi-ino ngenete  Ndi mikuru-ini ino ya thina  Ona ndanoga ningi ndahuta  Ndirikanaga kirigiriro    2.  Gatagati-ini ka miario miingi  Ndeithia menyage haria he hakwa  Ruui rwa gikuu Baba ndirui  Nowe munyonia na nowe muningia    3.  Na riu ti nii ni Mwathani  Niwe ingimenya maria me makwa  Niundu ni nguigua ningi ni nguona  Niundu wa Robo uyu waheire     4.  Ndeithia mithiire ndigathii ta thi  Ngoragwo nawe mahinda mothe  Thiea hurukia Baba ndikwenda   Mwathi wakwa kinyite guoko     5.  Morutani maingi ndikwenda  Na minoga itari na uteithio  Ni getha ngiigua ngakinyukia  Ningi ngiona Baba ngakena     6.  Ni ngukenera muhonokia  Wanyonire wega njurite  Akiinyonia kamugirit   Gaka gatoio ni thi-ino    7.  Nikio ningukuhoya uugi  Wagutuikania itindii riri  Niundu gu...

 1.  Hindi ni ino muhigi niohige  Uthamaki wa Roho ni wa goro  Ukenere muoyo uria uigiirwo  Tura urumitie kinigiriro giaku     2.  Menyerera watho wa Ngai ukure  Niukuhumbwo ucamba wa matu-ini   Na riri wa mbutu cia araika  Utungatage wi hamwe na Roho     3.  Umihoke thoguo niwe ukui  Ukinyukagie ugakurana  Thoguo niwe ui bata waku  Bataraga muno wendo Wake     4.  Ona waigirirwo ngaruro ciothe  Ririkana wina uturo mbere  Ndugatangwo ni urio na unyuo  Winyihie niwe muriithi waku    5.  Mugai uyu kuri othe enyihia  Agayaga o rimwe riakuigana  Ngukumo-ini ciao no irathimo  Ngwataniro-ini ciao no gutoria    6.  Mwago wa mwiri uyu uri o guku thi  Mugendi mwago wake nduri thi-ino  Kwagirira mbere ya mugwathi  Uri iningir…