253. NGAI NA JESU NA ROHO

 1.

 Ngai na Jesu na Roho mageta nduriri ciothe
 Na mete Araika othe,marurungane ciira-ini
 
 Hingurai matu muthikiririe
 Muthenya wa kumakia andu
 Uria Jesu agatua ciira
 Aikariire uhoro wa ma
 Taari giti gia uthamaki
 
 2.

 Ituiro ria atongoria othe ria gutonya gikeno-ini
 Ni rigakorwo ri inene na ria ruo-ini no inene
 
 3.

 Kieha kinene kia andu aria marutanaga maundu
 Tondu Jesu ni akoragia o mundu urutani wake
 
 4.

 Atumwo aria mahunjagia ni magacokaniririo
 Othe monanie uhoro uria mahunjagiria andu
 
 5.

 Gukonganio abatithania moime nduriri-ini ciothe
 Monanie na ma gitumi kia uria mabatithagia andu
 
 6.

 Hindi io athinjiri othe o na ciiruru cia Jesu
 Magetwo monanie othe o mundu igongona riake
 
 7.

 Roho ni ageta Anabii na andu aria othe marathaga
 O mundu aheane uira wa urathi uria arathire
 
 8.

 Jesu akonania meciria ma athuri na atumia
 Na anake na airitu na tuhii na tuiritu
 
 9.

 Uria mutheru ni etherie Jesu we ndari na uuru
 Ni ciiko ciaku igatuma uge mbu kana utheke
 
 10.

Mioyo yothe niikarihio na thakame yothe irihio 
 Aria mahitithagia andu noguo makona mutino