240. UTHAMAKI WA NGAI NDWAMUKAGIRA IHAKI

 1.

 Uthamaki wa Ngai ndwamukagira ihaki
 Niwe mwene indo ciothe angikihakwo na ki?
 
 Tigai kuhenania mukiuga mwina Roho
 Roho ndahakikaga no inyui ni muhakagwo
 
 2.

 Niwe wombire mburi na ng’ombe agicihe andu
 Na akiumba thi akiiyuria nyamu mithemba yothe
 
 3.

 Ngai etire anabii marathire andu uhoro
 Na matiamukiire ihaki tondu maari na Roho
 
 4.

 Mwathani niageririo ni Caitani na unene
 Na ndamukire ihaki ria mwago wa guku thi
 
 5.

 Atumwo a Jesu riria maari Roho wa ma
 Mathinjirwo me muoyo ni thu cia ritwa riri.